Detaje të reja janë zbardhur nga atentati ndaj një personi mëngjesin e sotëm në Shkodër.
Sipas informacioneve mësohet se autori ka qenë me biçikletë dhe ka qëlluar 4 herë me pistoletë në drejtim të 40-vjeçarit Aleksandër Curri, i cili ndodhet në gjendje kritike për jetën, në zonën e këmbimit valutor.
Më pasi ai është larguar në drejtim të kryqëzimit të ish-Degës dhe policia është vendosur në ndjekje të autorit.
Një prej dëshmitarëve, shprehet se i plagosuri kishte marrë plumb në stomak dhe ka qëndruar i shtrirë për 10 minuta para se të vinte ambulanca.
“I dhashë ndihmën, isha duke lypur. Shkova me vrap e pashë. Autorin nuk e njoh. I plagosuri ka qëndruar i shtrirë për 10 minuta, shkova unë e para dhe kërkova ndihmë, derisa erdhi një efektiv i policisë rrugore. Kishte marrë plagë në stomak, kishte shumë gjak” u shpreh ajo.